ក្នុងសិក្ខាសាលាពិគ្រោះយោបល់ និងប្រមូលធាតុចូលលើសេចក្ដីព្រាងប្រកាសស្ដីពីបទប្បញ្ញត្តិបច្ចេកទេសសំណង់របស់ក្រុមប្រឹក្សាជាតិសំណង់បានដាក់ចេញសេចក្ដីព្រាងចំនួន ៣ បន្ថែមទៀតនៅថ្ងៃនេះ ដើម្បីសុំមតិយោបល់មុននឹងបញ្ចូនទៅក្រុមប្រឹក្សាអនុម័តជាបន្ដបន្ទាប់ ដោយក្នុងនោះរួមមាន៖

– សេចក្ដីព្រាងប្រកាសស្ដីពីបទប្បញ្ញត្តិបច្ចេកទេសផ្នែកគ្រឿងផ្គុំសំណង់
– សេចក្ដីព្រាងបទប្បញ្ញត្តិស្ថាបត្យកម្ម
– សេចក្ដីព្រាងប្រកាសស្ដីពីការងារក្នុងការដ្ឋាន រួមមានចំនួន ២ ៖
១. ប្រកាសស្ដីពីការដាក់ឱ្យប្រើប្រាស់ស្លាកសញ្ញាបញ្ជាក់ទទួលស្គាល់ ឬបញ្ជាក់អនុលោមភាពតាមបទប្បញ្ញត្តិបច្ចេកទេសសំណង់ ចំពោះសម្ភារៈសំណង់ បរិក្ខារ និងផលិតផលសំណង់។
២. ប្រកាសស្ដីពីការគ្រប់គ្រងសំណល់សំណង់។

សូមគូសបញ្ជាក់ផងដែរថា ក្រសួងរៀបចំដែនដី នគរូបនីយកម្ម និងសំណង់ បានរៀបចំលិខិតបទដ្ឋានគតិយុត្តដែលបានអនុម័តរួចពាក់ព័ន្ធនឹងវិស័យសំណង់ និងឯកសារផ្សេងៗមិនមែនលិខិតគតិយុត្ត រួមមាន៖
– ច្បាប់ស្តីពីសំណង់
– អនុក្រឹត្យ ចំនួន ១៦
– ប្រកាសអន្តរក្រសួង ចំនួន ១២
– ប្រកាស ចំនួន ៣១
– សារាចរ ចំនួន ៦
– សេចក្តីសម្រេច ចំនួន ៥
– សេចក្តីណែនាំ ចំនួន ១០
– សេចក្តីជូនដំណឹង ចំនួន ៩
– លិខិត ចំនួន ៤១ ។